ANJANI RAHEIN

Baddh chala vo baddh chala,
Khamosh rahon pe aaj phir vo baddh chala.

Nahi maloom ki hai kis aur dagar uski,
Kachhi ik pagdandi hai dhool aur kanto se bhari bhari..
Befikar tedi us patti pe,
Girta sambhalta vo phir baddh chala.

Na hai koi basti, na ghar koi aaspass,
Lagta jaise virane se bhar gayi hai sari kyannat.
Isi virane main jindgi ki talash ko,
Jhoothi umeed se phir vo baddh chala.

Chalte hue rah main aye andhere bhare vo pal,
Kabhi na phir ugne ko suraj jaise gaya ho dhal.
Ke Mil jaye khahi ik savera koi,
Andhiyari in rahon main,
Roshini ki kiran ko dhoondne phir vo baddh chala.

Chalte naumeedi se bhare us path par,
Thaka payasa gira phir sarak par.
Haar na jaye kahi apni jindgi se,
Jeetne apni har sanso ko udh phir vo baddh chala.

Ke kab ayegi andekhi vo manzil teri,
Barta har kadam uska jaise pooch raha.
Hai jaroori abb ik padav safar main,
Bejan hota har aks abb yehi keh raha.
Ke kab milegi aandhi bhari in rahon main narmi ki chadar koi,
Chain se do pal sone ko madhosh vo phir baddh chala.


Baddh chala, vo phir baddh chala,
Ke kuch pal aaram ko nahi hai naseeb uska.
Baddhte hi chalna hai chubbhte in angaron par,
Yahi keh raha tootta har kadam uska.
Ke hai kareeb abb sapno bhari manzil meri,
Dil main yahi honsla liye angaron ko sehta phir vo baddh chala.

Baddh Chala, Phir Baddh Chala,
Anjani Rahon pe ik bar phir vo Baddh Chala.


Neeraj Sharma